Atlaz RZAYİ
Bu gələn yuxuya salam verim mən
Artıq qarşılayım nazlı gecəni.
Bu ata qayğılı, bu ana dilli,
Bu şirin laylalı, sözlü gecəni.
*
Nağılı da gerçək, özü də gerçək
Səması çəməndir, ulduzu çiçək.
Dünya tablosuna gəl şəklini çək
Bu bahar gecəni, yazlı gecənin.
*
Müqəddəs ananın bətnindən düşən,
İlahi qələmin ətrindən düşən
Hər gün mərhəmətlə gəlib görüşən
Sevəsən bu ana üzlü gecəni.
*
O yerin başına dolanan mələk,
O yerin başına salınan örpək.
Ağ xallı üzündən biz də öpərək
Yola salaq keşik gözlü gecəni.
****