Rusiyanın Suriyadakı “Hmeymim” hərbi bazasına hücumlar təşkil edən terrorçuların hamısı məhv edilib.
Müstəqil.Az – ın məlumatına görə, Rusiya Müdafiə Nazirliyinin bəyanatında qeyd olunur ki, reydlər nəticəsində terrorçuların İdlib şəhərinin qərb sərhədində mövqe tutduqları müəyyənləşib. Onlar yüksək dəqiqliyə malik silahlarla məhv edilib. O cümlədən bölgədə qruplaşmaya məxsus pilotsuz aparatların saxlanıldığı silah anbarı sıradan çıxarılıb. Qeyd edək ki, dekabr ayının 31-də “Hmeymim” hərbi bazası pilotsuz aparatlarla hücuma məruz qalıb. Nəticədə 2 rusiyalı hərbçi həlak olub. Döyüş təyyarələrinə ziyan dəyib.
Müstəqil.Az