II Elizabet dəfn edildi – YENİLƏNİB + VİDEO

Böyük Britaniya kraliçası II Elizabetin cəsədi olan tabut Vindzor qəsrinin ərazisində yerləşən Müqəddəs Georgi kapellasındakı kral məzarına endirilib.

Dəfn mərasiminə rəhbərblik edən yepiskop Devid Konner dua edərək monarxın bütün titullarını oxuyub.

Vindzordakı mərasimdə kral ailəsi üzvləri, kral məhkəməsinin keçmiş və indiki işçiləri, Böyük Britaniyanın Baş naziri Liz Trass, Böyük Britaniyanın baş qubernatorları, habelə Birləşmiş Krallığa daxil olan dövlətlərin hökumət başçıları iştirak ediblər.

II Elizabetin dəfn mərasimi ilə bağlı keçirilən kütləvi tədbir Böyük Britaniya himninin oxunması ilə başa çatıb.

Bundan sonra Kral III Çarlz və kral ailəsinin üzvləri ibadətgahı tərk edərək Vindzor qəsrinə yollanıblar.

Axşam saatlarında Müqəddəs Georgi kapellasında yalnız hakim ailə nümayəndələrinin iştirakı ilə bağlı qapılar arxasında özəl mərasim keçiriləcək.

Mənbə: TASS

12:15

Britaniya kraliçası II Elizabetin nəşi Vestminster Zalından çıxarılaraq Parlament Meydanından keçəcək və Vestminster Abbatlığına aparılacaq.

Təntənəli yürüş abbatlığın qərb qapısına çatacaq, burada tabutu daşıyanlar onu içəri aparacaqlar.

Bakı vaxtı ilə saat 14:00-da başlayacaq anım mərasimindən sonra abbatlıqda və bütün ölkədə iki dəqiqəlik sükut elan ediləcək.

Bundan sonra dövlət himni səsləndiriləcək.

Bakı vaxtı ilə saat 15:15-də Kral III Çarlz və Kraliça-konsort Kamilla, Uels Hersoqu və Hersoginyası Uilyam və Keyt Middlton və kral ailəsinin digər üzvləri tabutu izləmək üçün yürüşə qoşulacaqlar.

Bakı vaxtı ilə saat 22:30-da kraliça II Elizabet əri, Edinburq hersoqu Filipp və bacısı şahzadə Marqaretin də uyuduğu Vindzor sarayında dəfn ediləcək.

https://www.youtube.com/watch?v=mFvihbK3DpM

Mənbə: Obozrevatel

Share: