Arvadı ilə dalaşdı – 9 ildir hava limanında yaşayır – FOTO/VİDEO

Arvadı ilə dalaşan kişi 9 ildir hava limanında yaşayır.

Müstəqil.Az Publika.az -a istinadən xəbər verir ki, Vey Cianqo adlı kişi 2008-ci ildə həyat yoldaşı ilə mübahisə edərək Pekindəki evlərindən ayrılıb və o vaxtdan Pekinin Beynəlxalq Aeroportunun terminallarında yaşayır. 53 yaşlı Vey yaşamaq üçün burada özünə müvəqqəti mətbəx, yataq otağı düzəldib. İnsani tələbatlarını ödəmək üçün isə hava limanının ödənişli xidmətlərindən istifadə edir.

Hava limanının əməkdaşları bir neçə dəfə onu yatdığı yerdə hava limanından çıxartmaq istəsələr də, buna müvəffəq ola bilməyiblər.

İşsiz olan Vey bildirib ki, isti havalarda o qədər çətinlik yaşamır. Lakin soyuq havalarda müəyyən qədər narahatçılıq yaşanır.

Xatırladaq ki, Vey son onillikdə hava limanında yaşayan ikinci ən məşhur adamdır. Bu siyahıda birinci adam əslən İran vətəndaşı olan və Fransanın Şarl de Qoll hava limanında 16 il yaşamış 59 yaşlı Mehran Kərimi Nasseridir.

Müstəqil.Az

 

Share: