“Od arabaları” filmi ilə tanınan britaniyall rejissor Hugh Hudson 86 yaşında vəfat edib.
Kulis.az xəbər verir ki, kinorejissor qısamüddətli xəstəlikdən sonra dünyasını dəyişib.
Hudsonun 1981-ci ildə çəkdiyi “Od Arabaları” dramı Ən Yaxşı Film, Ən Yaxşı Ssenari kateqoriyalarında Akademiya Mükafatını qazanıb. Film həmçinin Qızıl Qlobus Mükafatına, üç Britaniya BAFTA mükafatına və Kann Film Festivalında iki mükafata layiq görülüb.
Hugh Hudson 1936-cı ildə anadan olub. O, kino karyerasına Fransanın Paris şəhərində başlayıb. Kinorejissor həmçinin “Greystoke: The Legend of Tarzan”, “Lord of the Apes”, “Lumiere and Company”, “My Merry Life” və digər filmləri ilə tanınır.
