“SpaceX” şirkəti “Starhopper” adlı qurğunun sınaqlarını uğurla başa çatdırdı.
Sınaqları əks etdirən video şirkətin YouTube-kanalında yerləşdirilib.
Kadrlardan göründüyü kimi, “Ulduzlara tullanan” adlı gəmi əvvəlcə göyə qalxır sonra isə yaxınlıqda yerə yumşaq eniş həyata keçirir.
“Starhopper” – “Starship” adlı kosmik gəminin kiçildilmiş maketidir. Sonuncunun köməyi ilə “SpaceX” rəhbəri İlon Mask tarixdə ilk dəfə Mars planetinə insan göndərmək niyyətindədir.
