“Noru” super tayfunu Filippində güclü dağıntılar törədib.
Sinoptiklərin fikrincə, küləyin maksimal sürəti demək olar ki, 200 km/saata çatıb.
Filippinin hakimiyyət orqanları ən təhlükəli ərazilərdə sakinlərin təxliyəsi barədə əvvəlcədən məlumat verib. Lakin qasırğadan sonra ətrafdakı hər yer suyun altında qalıb.
Luson adasında baş verən tayfun azı 5 xilasedicinin həyatına son qoyub. Onlar San-Migeldə batıblar. Onların xilasedici gəmidə olduğu qeyd edilir. Bundan başqa, daha iki sərnişini itkin düşüb.
Tayfun nəticəsində 850-yə yaxın ailə və ya 3 mindən çox insan zərər çəkib. 147 ailəyə 34 təxliyə mərkəzində sığınacaq verilib.
47-yə yaxın liman fəaliyyətini dayandırıb.
“Noru” bu mövsüm Asiyada 16-cı tayfun olub. Bu ilin ən təhlükəli tayfunu hesab edilə bilər. Manilada ötən ilin dekabrında ölkənin mərkəzi və cənub bölgələrini vuran super tayfunla bağlı vəziyyətin təkrarlanacağından qorxurlar – o zaman rəsmi rəqəmlərə görə 400-ə yaxın insan həyatını itirib.
Mənbə: Euronews
