İspaniya La Liqasında XXVII tur davam edir.
Oxu.Az xəbər verir ki, “Real Madrid” “Valyadolid”i qəbul edib. Matç meydan sahiblərinin qələbəsi ilə başa çatıb – 6:0.
Madridlilərə qələbə qazandıran qolları Kərim Benzema (3), Rodriqo, Marko Asensio və Lukas Vaskes vurublar. Het-trik edən Benzema “kral klubu”nun tarixində ardıcıl 11 mövsüm 20-dən artıq qol vuran ilk futbolçu olub.
Qələbə sayəsində xallarını 59-a çatdıran “Real Madrid” yenidən lider “Barselona” ilə xal fərqini 12-yə çatdırıb və 2-ci pillədədir. “Valyadolid” 28 xalla 16-cıdır.
