Bu dəliliyi sənətinə əks etdirmək üçün inanılmaz şeylər etdi. Öncə sizdən soruşaq, siz incəsənətə görə nələr edə bilərdiniz?
Ağrını daha dərindən hiss etmək üçün sevdiyinizin başqalarıyla sevişməsini izləyə bilərsiniz?
“İncəsənət ağrılarla qidalanır.” – deyirlər, doğrudur.
Dali də sənətini illər boyunca ağrının maddi forması, öz sevgilisi Gala ilə bəsləyirdi.
Dali ana və atasının ilk uşaqlarının ölümündən tam 9 ay 10 gün sonra dünyaya gəldi.
Ailəsi ağrı dolu itkilərini unutmaq üçün çox sevdikləri uşaqlarının ölüm günündə cinsi əlaqəyə girdilər və oğulları Salvadorun yerinə qoyacaqları digər uşağın ilk təməllərini hələ o gün qoydular. Ölümü yeni bir doğumla unutmağa çalışdılar. Üstəlik bunu o qədər sakit şəkildə etdilər ki, ölən qardaşının adını yeni doğulan uşaqlarına qoymaqda belə problem görmədilər.
Uşaq yaşlarında travma üzərinə travma yaşayan Dali hələ o dövrdə ölümlə seks arasında dərin bir əlaqə görməyə başladı.
Seksdən inanılmaz dərəcədə çəkinirdi. Qadınlara toxunmaqdan da, qadınlar tərəfindən ona toxunulmaqdan da nifrət edirdi.
Beləcə tam o dönəmdə içində qopan fırtınaları kətanlara tökməyə başlamışdı.
Sehirli işlər ortaya qoyub insanları heyran edirdi.
Yaşı çoxalsa da, cinsi əlaqəyə girməkdən çəkinir, davamlı olaraq masturbasiya edirdi.
Erkən boşalma problemi yaşayırdı və sonsuz olduğuna inanmağa başlamışdı. Bu vəziyyət özünə olan güvəninə zərər verirdi.
Uşaqlıq travması Dalinin əl işlərini bəzəyirdi, düzdür, ancaq içdən-içə onu məhv edirdi.
Və Salvador Dali Bir Gün Onun Həyatını Dəyişdirəcək Qadınla Tanış Oldu: Gala
Gala tamamilə cazibədar biriydi. Xoş danışıq ləhcəsi və özünəməxsus tərzi varıydı.
Onu görüb də təsiri altına düşməmək hardasa mümkünsüzüydü. Amma evliydi. Və hətta bir uşağı da var idi. Əri isə şair Paul Eluard – Salvador Dalinin çox yaxın dostuydu.
Dali illər sonra bir qadına qarşı belə hisslər keçirirdi. Bu onun üçün mümkünsüzün mükünsüzü idi.
Tarixin ən azad ruhlu qadınlarından olan Gala, Dali ilə görüşməyə söz verdi. Çimərlikdə həyata keçən bu görüş olduqca qəribəydi.
Dali ünsiyyətə girə bilmədiyi üçün eynən digər qadınların yanında etdiyi kimi gülməkdən özünü saxlaya bilmədi.
Qorxusunu qəhqəhələriylə gizlətməyə çalışdı. Digər qadınlar olsa, Dalinin onunla məzələndiyini düşünər və oranı tərk edərdilər. Ancaq onun ruhunu oxuyan Gala onun əllərini çox bərk sıxdı və bir də heç vaxt buraxmadı.
Və həqiqi eşq həmin gün başladı. Gala uşağını və ərini tərk edib Dali ilə qaçdı.
O gündən sonra Gala onun həm sənətini həm də ruhunu bəslədi. Dalinin demək olar ki bütün tablolarında Galanın simasını görmək mümkündür.
Deyilənlərə görə Dali duyğusal mənəda qorxularına qalib gəlmişdi, amma cinsi əlaqə mövzusundakı tərəddüdləri hələ də davam edirdi. Beləcə Gala ilə heç vaxt sevişə bilmədi.
Gala ondan tək bir şey istədi: Azadlığı
Dali çətinliklə bunu qəbul edə bildi.
Gala başqa kişilərlə cinsi əlaqədə olmağa davam etdi. Və hətta köhnə əri ilə də görüşürdü. Yaşı çoxalsa da, Dalidən fərqli olaraq seks həyatı çox rəngliydi.
Bir gün Salvador Dali arvadını başqa kişiylə sevişəndə pəncərədən gizlicə izlədi, sonra isə hiss etdiyi dərin hüzünü öz əsərlərinə köçürdü.
Dali ağrının sənətində yaratdığı inanılmaz effektin fərqinə varanda bu dəlisov üsulu dəfələrlə təkrarladı. Galanı başqalarıyla birlikdə yatarkən izləyir, sonra hiss etdiyi ağır duyğuları çəkməyə başlayırdı.
Ancaq buna daha çox dözə bilməyəcəyini anlayıb sevdiyi qadına bir ev aldı.
Özü belə bu evə randevuyla getməyə başlamışdı.
Ancaq nə Gala, nə də Dali bu qəribə sevgidən heç vaxt imtina etmədilər.
Dali ona olan sevgisini bu sözlərlə ifadə edirdi:
“Gala məni uşaq kimi saxlamağa başladı. Mən onun yeni doğulan uşağı, oğlu, sevgilisiydim. Gala məndən ölümün (cinsi əlaqəni nəzərdə tutur) travmalarını söküb atdı. Dəli olmamağımın səbəbi, dəliliyimi onun özünə götürməsidir. “
Bu sevgi 50 ildən çox davam etdi, ta ki, ölüm onları ayrına qədər.
Dalidən 10 yaş böyük olan Gala 83 yaşında dünyasını dəyişdi.
Galanın ölümündən sonra Salvador Dali bir daha özünə gələ bilmədi.
Ağrısını isə son olaraq bu sözlərlə ifadə etdi:
“Galanın ağrısı,
Hansı ki, mənim ağrımdır.
Galanın ölümü,
Hansı ki, mənim ölümümdür.
Başqa heç bir şey həyatıma təsir edə bilməzdi…”
