Göyçayda ölümlə nəticələnən ağır yol qəzası baş verib.
Hadisə keçən gecə şəhərin Natavan və Əli Kərim küçələrinin kəsişməsində qeydə alınıb.
Belə ki, “Mercedes” və “Toyota” markalı minik avtomobillərinin toqquşması nəticəsində rayonun Müskürlü kənd sakinləri, 1983-cü il təvəllüdlü Qurbanov Vusal Fərman oğlu, Göyçay şəhər sakinləri, 1992-ci il təvəllüdlü Kərimli Məmməd Əlimövsüm oğlu, 1987-ci il təvəllüdlü Azadov Pərviz Yelmar oğlu, 1985-ci il təvəllüdlü Rüstəmov Nofəl Oqtay oğlu, Potu kənd sakini, 1991-ci il təvəllüdlü Kərimli Simran Akif oğlu müxtəlif dərəcəli bədən xəsarətləri alıblar.
Vüsal Qurbanov ağır xəsarətlər aldığı üçün xəstəxanaya aparılan zaman yolda dünyasını dəyişib. Xəsarət alan şəxslər isə təcili olaraq Göyçay rayon Mərkəzi Xəstəxanasına çatdırılıb.
Hadisə ilə əlaqədar olaraq araşdırmalar aparılır.
Müstəqil.Az
