“Bu, dalana dirənişdir” — Zelenski

Ukrayna Prezidenti Volodimir Zelenski ötən gün Ukrayna infrastrukturunun atəşə tutulmasını “insanlığa qarşı cinayət” adlandırıb. 

“Qafqazinfo” xəbər verir ki, bu barədə dövlət başçısı videomüraciətində bildirib.

O, həmçinin BMT Təhlükəsizlik Şurasının üzvlərini Rusiyanın “enerji terroru”nun istənilən formasını pisləyən qətnamə qəbul etməyə çağırıb.

“Rusiya nəyə nail olmaq istəyir? Havanın temperaturu sıfırın altındadır, milyonlarla insanın işığı, suyu, qidası yoxdur. Bu, bəşəriyyətə qarşı aşkar cinayətdir”, – o deyib.

Həmçinin, Zelenskinin sözlərinə görə, Rusiya Federasiyası Ukraynaya qarşı təcavüzü ilə bağlı səsvermədə iştirak etməməlidir.

“Terrorçu dövlət öz təcavüzü, terroru ilə bağlı heç bir səsvermədə iştirak edə bilməz, bu, dalana dirənişdir”, – Prezident bildirib.


Share: