UEFA Çempionlar Liqasında qrup mərhələsinin 2-ci turuna start verilib. “Qafqazinfo” xəbər verir ki, ilk oyun günündə 7 qarşılaşma baş tutub.
A qrupunda “Liverpul” doğma meydanda “Ayaks”ı qəbul edib və çətin qələbəyə sevinib. Bu qrupun digər oyunu – “Reyncers”lə “Napoli”nin görüşü bu günə təxirə salınıb.
B qrupunda “Portu” Portuqaliyada “Brügge”ni, “Bayer” Almaniyada Madrid “Atletiko”sunu sınağa çəkib. Portuqaliyada qonaqlar darmadağına seviniblərsə, Almaniyada meydan sahibləri inamlı qələbə qazanıblar.
Gecənin ən prinsipial və maraqla gözlənilən matçı C qrupunda olub. Qrup mərhələsinə qələbə ilə start verən “Bayern” Münhendə “Barselona”yla üz-üzə gəlib. Meydan sahibləri bu oyunda inamlı qələbəyə seviniblər. Qrupun digər oyununda Plzen “Viktoriya”sı Çexiyada “İnter”i qəbul edib. İtaliya klubu səfərdən inamlı qələbə ilə dönüb.
D qrupunda “Tottenhem”i Portuqaliyada “Sportinq”lə, “Ayntraxt” isə Fransada Marsel “Olimpik”i ilə qarşılaşıb. London klubu səfərdən xalsız dönüb. Fransa təmsilçisi də doğma meydanda xalsız qalıb.
2-ci turun digər matçları sentyabrın 14-də keçiriləcək.
UEFA Çempionlar Liqası
Qrup mərhələsi, 2-ci tur
13 sentyabr
A qrupu
Liverpul (İngiltərə) – Ayaks (Niderland) 2:1
Qol: Salah, 17. Matip, 89 – Kudus, 27.
Reyncers (Şotlandiya) – Napoli (İtaliya) matçı sabaha təxirə salınıb
Xal: Napoli – 3. Liverpul – 3. Ayaks – 3. Reyncers – 0.
B qrupu
Portu (Portuqaliya) – Brügge (Belçika) 0:4
Qol: Yutqla, 15-pen. Sovah, 47. Olsen, 52. Nusa, 89.
Bayer (Almaniya) – Atletiko (Madrid, İspaniya) 2:0
Qol: Andrix, 84. Diabi, 87.
Xal: Brügge – 6. Atletiko – 3. Bayer – 3. Portu – 0.
C qrupu
Viktoriya (Plzen, Çexiya) – İnter (İtaliya) 0:2
Qol: Dzeko, 20. Dumfris, 70.
Bayern (Almaniya) – Barselona (İspaniya) 2:0
Qol: L.Hernandes, 50. L.Sane, 54.
Xal: Bayern – 6. Barselona – 3. İnter – 3. Viktoriya – 0.
D qrupu
Sportinq (Portuqaliya) – Tottenhem (İngiltərə) 2:0
Qol: Paulinyo, 90. A.Qomes, 90+3.
Olimpik (Marsel, Fransa) – Ayntraxt (Frankurt, Almaniya) 0:1
Qol: Lindstrom, 43.
Xal: Sportinq – 6. Tottenhem – 3. Ayntraxt – 3. Olimpik – 0.
