AzTV-də “Ağ Qara” verilişi var. Təəssüf ki, aparıcının adını bilmirəm. Veriliş də yaxşıdır, aparıcı da çox uğurludur. Düzdür Aleksandr Qordon olmasa da ən azı onun kimi xarizmatik görünür.
Mirşahinlə olan verilişi keçən həftə olsa da mən dünən baxdım. Maraqlı idi.
Amma Mirşahinlə olan verilişi mənim üçün cəmi 4 dəqiqə çəkdi. Halbu ki, 4-cü dəqiqədən sonra da veriliş davam elədi. Amma ta “Ağ Qara” olmadı, “Mirşahinin vaxtı” verilişi oldu.
Öyrətmək olmasın aparıcı qardaşım Mirşahin kimi söz oyunçusunu nəzərə almalıydı. Və birinci verdiyi sualı axırda verməliydi. Amma birinci verdi və uduzdu. Mirşahin onun nə ağını tanıdı, nə də qarasını. Başqa rənglərin mövcudluğunu və üstünlüyünü sübut etdi.
Aparıcı isə verilişini məhz ağ və qara rəngdə qurmuşdu. Mirşahinin bu rənglərdən imtina etməsi aparıcının bütün müdafiə və hücum taktikasını məhv etdi. 4 cü dəqiqədən sonra veriliş “Ağ Qara”dan “Mirşahinin vaxtı” verilişinə çevrildi. Düzdür axıra qədər baxdım. Amma o qədər də fikrimi çəkmədi. Çünki Mirşahinə Real Tv də “Mirşahinin vaxtı” verilişində zatən baxıram.
Şöhrət El-Dəniz
