Gürcüstandan Azərbaycana inanılmaz DƏSTƏK – Ermənistana pul köçürmələri qadağan edildi – FOTO

“Gürcüstan Respublikasının səlahiyyətliləri Ermənistan Respublikasına qarşı xoşagəlməz davranış nümayiş etdirməyə davam edirlər”.

Müstəqil.Az xəbər verir ki, bu fikirləri yayan erməni mediası tərəfindən ciddi və sensasion məlumat yayılıb.

Həmin xəbərlərdə bildirilir ki, bu günlərdə dünyanın hər yerindən Qarabağ ermənilərinə yardım etmək üçün “Hayastan” Ümumerməni Fondunun hesabına maliyyə köçürmələri edirlər.

“Gürcüstandakı soydaşlarımız bu ölkənin ərazisindən banklarda ödəniş etməklə fonda pul köçürməsinin mümkünsüz olduğunu bildirirlər. Köçürmələr etmək istəyənlərə deyilib ki, Gürcüstan ərazisindən sözügedən fonda köçürmə etmək mümkün deyil”, – deyə rəsmi xəbərdə deyilir.

Erməni cəmiyyətində bu xəbər şok effekti yaradıb.

Gürcüstan ermənilərinin nəzərinə o da çatdırılıb ki, əllərində olan vəsaiti Ermənistandakı başqa bir hesaba köçürməlidirlər. Və ondan sonra digər hesablara köçürülən vəsaitlər “Hayastan” Ümumerməni Fonduna yönəldilə bilər.

Ermənilər hesab edir ki, burada maxinasiyaların olması şübhəsizdir.

/konkret.az/

Share: