Ənənəvi olan bayram yarmarkaları üçün nəzərdə tutulan çadırlar fevralın 27-dən etibarən bir çox metrostansiyalarının yaxınlığında qurulub.
Yarmarkaların təşkil edilməsində məqsəd bayramqabağı paytaxtda qiymət artımının qarşısını almaq və küçə ticarətini həmin yarmarkalara cəlb etməkdir.
Müstəqil.az xəbər verir ki, “Qafqazinfo” 8 Mart-Beynəlxalq Qadınlar Günü və Novruz bayramı ilə bağlı yaradılmış yarmarkalarda olub və vəziyyətlə maraqlanıb. Satıcılar alıcılıq qabiliyyətinin normal olduğunu, insanların daha çox şam, səməni, gül, yumşaq oyuncaqlar aldığını bildiriblər. Alıcıların sözlərinə görə isə qiymətlər çox sərfəli və münasibdir.
