Rusiyalı aktyor İlya Knyazev 22 yaşında vəfat edib.
Kulis.az xəbər verir ki, bu barədə “Amurskaya Pravda” məlumat yayıb. Məlumata görə, gənc aktyor uzun sürən xəstəlikdən sonra dünyasını dəyişib.
“İlya heç kimin xəstəliyi haqqında bilməsini istəmirdi. Nikbinliyini və möhkəmliyini qoruyaraq bütün enerjisini sevimli peşəsinə verirdi”, – deyə aktyorun çalışdığı Amur Dram Teatrından bildirilib.
Knyazev “Romeo və Cülyetta”, “Üç Boqatir yeni ili necə xilas etdi” və “Qısa hekayə üçün süjet” kimi tamaşalarda oynayıb.
