ABŞ Prezidenti Donald Trampa qarşı daha bir ittiham irəli sürülüb.
Müstəqil.Az Teleqraf.com-a istinadla xəbər verir ki, Trampın 2016-cı ildə seçki kampaniyasında təmsil olunan Alva Conson adlı xanım Florida ştatında keçirilən toplantı zamanı Trampın onu zorla öpdüyünü iddia edib.
Alabamanın Huntville şəhərində yaşayan Alva deyir ki, Trampın onu zorla öpməsi 2016-cı ilin avqust ayında Floridanın Tampa şəhərində Trampın kampaniya qrupu ilə könüllülərin bir araya gəldiyi zaman baş verib.
Xanım qeyd edib ki, Tramp onun əllərini tutub və buraxmayıb, üzünü isə yana çevirdiyi zaman dodağından öpüb.
Xanım məhkəmə iddiasında bu arzu edilməyən öpüşün onda stress, psixoloji travma, təhqir olunma şəklində təsirlər buraxdığını qeyd edib.
Ağ Evin mətbuat katibi Sara Sanders isə iddiaların qurama olduğunu irəli sürərək digər şəxslərin bu hadisənin şahidi olmadığını bildirib.
Müstəqil.Az
