Orenburqda “Tender May” qrupunun ulduzları – qrupun yaradıcısı Sergey Kuznetsov və solisti Yuri Şatunovun abidəsi qoyulacaq.
Kulis.az xəbər verir ki, bu barədə “RİA Novosti” məlumat yayıb.
Martın 28-də heykəltəraş Aleksandr Sukmanov musiqiçilərin dostlarının sifarişi ilə yaradılmış abidənin layihəsini təqdim edəcək, – deyə Petin Muzeyinin rəhbəri Yuliya Serebryakova bildirib: “Sabah abidənin layihəsini muzeydə ictimaiyyətə təqdim edəcəyik. Layihənin müəllifi Aleksandr Sukmanov Orenburqda tanınmış heykəltəraşdır, onun iri əsərləri şəhərin küçələrini bəzəyir”.
Abidə yan-yana dayanan real həyatdakı musiqiçiləri təmsil edəcək. Bürüncdən hazırlanan abidə Kimya və Regeneratornaya küçələrinin kəsişməsində quraşdırılacaq. Buranın – Kuznetsovun yaşadığı evin yaxınlığında Şatunovun tərbiyə aldığı uşaq evi yerləşir.
Xatırladaq ki, Sergey Kuznetsov 2022-ci il noyabrın 7-də dünyasını dəyişib , Yuri Şatunov isə iyunun 23-də kəskin ürək çatışmazlığından vəfat edib.
