Ukraynada Rusiya ilə müharibə zamanı 6655 mülki şəxs ölüb.
“Qafqazinfo” xəbər verir ki, bu barədə BMT-nin İnsan Hüquqları üzrə Ali Komissarlığının (OHCHR) İdarəsi məlumat yayıb.
Məlumatda daha 10 368 mülki şəxsin yaralandığı öz əksini tapıb.
Ümumilikdə 17023 nəfər həlak olub və yaralanıb.
Ölənlərdən 2601-i kişi, 1783-ü qadın, 173-ü qız və 209-u oğlandır. Bundan başqa, cinsiyyəti hələ məlum olmayan 37 uşaq və 1852 böyük də ölən mülkilər arasındadır.
Qeyd olunur ki, insanların əksəriyyəti ağır artilleriya, çoxsaylı reaktiv sistemlər və hava zərbələri nəticəsində həlak olub.
