Oxu.az – “Whatsapp”da yeni maraqlı funksiya işə düşür

Artıq “WhatsApp” istifadəçiləri mobil cihazlarında zənglər üçün keçid paylaşa biləcəklər. Oxşar xüsusiyyət “FaceTime”, “Zoom” və digər konfrans proqramlarında mövcuddur.

Bildirilir ki, artıq bəzi istifadəçilər “Zənglər” bölməsində “Zəng üçün keçid yarat” bəndini görürlər; Bu bəndi kliklədikdə avtomatik olaraq zəngə yönləndiriləcəklər.

Funksiya bütün “WhatsApp” istifadəçiləri üçün (kontaktlar siyahısında olmasalar belə) işləyir.

Zəng keçidlərinin bir həftə ərzində bütün “WhatsApp” istifadəçiləri üçün əlçatan olacağı bildirilir.

Messencerin nümayəndələri həmçinin 32 nəfər üçün başdan-ayağa şifrələmə ilə videozənglər üzərində iş apardıqlarını bəyan ediblər. Təhlükəsiz qrup videozənglərinin nə vaxt əlçatan olacağı barədə hələlik məlumat yoxdur.

Mənbə: Tech Yorker

Share: