Kann Film Festivalında dünya premyerasını edən rejissor Nuri Bilge Ceylanın “Quru otlar üstündə” filminin nümayiş tarixi izləyicilərdə maraq doğurub.
Kulis.az Türkiyə mediasına istinadən xəbər verir ki, iyulun 12-də Fransada kinoteatrlarda nümayiş olunacaq filmin Türkiyədə nümayiş tarixi hələ açıqlanmayıb.
Filmdə Deniz Celiloğlu, Merve Dizdar, Musab Ekici, Ece Bağcı, Cengiz Bozkurt, Münir Can Cindoruk, Elif Ürse, Erdem Şenocak, Elit Andaç Çam, Nalan Kuruçim rol alıb.
Film Şərqi Anadolunun ucqar bir qəsəbəsində çalışan İstanbula təyinat almaq istəyən rəsm müəllimi Səmədin başına gələn hadisələrdən bəhs edir.
Qeyd edək ki, bu yaxınlarda 76-cı Kann Film Festivalında nümayiş etdirilən film 11 dəqiqə alqışlarla qarşılanıb.
