“Napoli”nin hücumçusu “Valensiya”ya keçir

“Napoli”nin hücumçusu Xose Kalyexon rəhbərliyin yeni müqavilə təklifini qəbul etməyib.

Müstəqil.AZ-ın məlumatına görə, son danışıq mənfi nəticələnib, ulduz futbolçu digər varianta üstünlük verib.

33 yaşlı ispaniyalı ölkəsinə qayıtmaq qərarına gəlib. “Valensiya” ilə ilkin danışıq artıq uğurlu alınıb və X. Kalyexon “yarasalar”ın 2 illik müqavilə təklifini qəbul edib. Keçid rəsmiləşərsə, oyunçunun yeni komandasında illik maaşı 3,5 milyon avro olacaq.

Neapollularla müqavilə müddəti bu ayın sonu başa çatacaq futbolçu “La Liqa” təmsilçisinə havayı başa gələcək.

Qeyd edək ki, Xose Kalyexon bu mövsüm 32 oyunda 2 qol vurub, 9 məhsuldar ötürmə verib.

Müstəqil.AZ

Share: