Real TV-nin rəhbəri, tanınmış telejurnalist Mirşahin Ağayev özünün müəllif verilişində məşhur azərbaycanlı qadının xarici xüsusi xidmət orqanları ilə əməkdaşlığına dair sensasion faktlar açıqlayıb.
Müstəqil.Az-ın məlumatına görə, telejurnalist ad çəkmədən həmin xanımın xüsusi xidmət orqanlarının əməkdaşına yazdığı mesajların skrinşotunu təqdim edib.
Xarici ölkələrdən birinə sığınaraq Azərbaycana, iqtidar və müxalifətin, eləcə də medianın bəzi kəsiminə qarşı böhtan yağdıran bir qadının xarici xüsusi xidmət orqanı agenti ilə xüsusi münasibətlərinin olduğu bildirilib.
Teleaparıcı azərbaycanlı qadının Cey Kempen adlı şəxsə bir sıra üstünlüklərinə görə jurnalist vizası almağı məsləhət gördüyünü qeyd edib.
“O xanımın potensial qardaşları və ehtimali kişi dostları üçün altını qıpqırmızı xəttlə cızıram: yataq söhbəti mənə maraqlı deyil, amma baxır sən o yatağa kimi, nəyi, hansı qiyməti verirsən və nəyin müqabilində verirsən. O qadının hansı məzhəbə qulluq etdiyi hələ ki mənə tam məlum deyil. Əvvəl elə başa düşürdüm ki, adam yataqda konkret bir dövlətə xüsusi xidmət göstərir. Amma araşdırmalarım ən azı məni çaşdırıb. Qızın iki, bəlkə üç adaxlısı var. Tarix nəinki iki, hətta üç ayrı-ayrı dövlətin agenti olan şəxsləri tanıyır. Bizim qəhrəmanımızın üç dildə sərbəst danışması ona tam belə imkan verir. Özü də zəif iradəsi, dayanıqsız vətəndaşlığı onu rahat üçtelli durnaya çevirə bilərdi. Araşdırılması vacib məsələdir”, – deyə Mirşahin Ağayev vurğulayıb.
Mirşahin Ağayev növbəti verilişdə məchul xanımın adını açıqlayacağını deyib.
