Milli Məclisin deputatı Məlahət İbrahimqızı NATO Parlament Assambleyasının 96-cı Rouz-Rout seminarında iştirak etmək üçün noyabrın 6-da Sloveniyanın paytaxtı Lyublyana şəhərinə səfər edəcək.
Müstəqil.Az xəbər verir ki, bu haqda Parlamentin mətbuat xidmətindən Axar.az-a bildiriblər ki, tədbirdə Qərbi Balkanlarda təhlükəsizliyin təmin olunması, strateji kommunikasiyanın formalaşması, bölgədə hazırkı iqtisadi durum, habelə Bosniya və Herseqovinanın inkişaf perspektivləri, Serbiyada iqtisadi islahatlar və demokratiyanın inkişafı, digər aktual mövzular ətrafında müzakirələr aparılacaq.
Deputat müzakirə olunacaq məsələlər barədə fikirlərini bildirəcək .
Səfər noyabrın 10-da başa çatacaq.
Müstəqil.Az
