Kiyevdə dövlət “Körpü Tikinti” (“Mostostroy”) şirkətinin binasına gecə saatlarında qumbaraatandan atəş açılıb.
Müstəqil.Az Virtualaz.org-a və Ukrayna KİV-lərinə istinadən xəbər verir ki, gecə saat 01.00 radələrində Kiyevin Pankovsk küçəsində yerləşən binada güclü partlayış səsi eşidilib. Hadisə yerinə gələn polislər qumbaraatan mərmisinin boş gilizini aşkar ediblər. Atəş nəticəsində binanın 4-cü mərtəbəsi zədələnib, xəsarət alanlar haqda məlumat yoxdur.
