Nəsimi rayonunun polis və prokurorluq əməkdaşları tərəfindən görülmüş tədbirlər nəticəsində itkin düşmüş məktəbli Aydan Əliyeva tapılaraq ailəsinə təhvil verilib.
Bu barədə Azvision.az -a Bakı şəhər Baş Polis İdarəsi və şəhər prokurorluğundan məlumat verilib.
Xatırladaq ki, aprelin 26-da Bakı şəhər sakini, 2006-cı il təvəllüdlü Əliyeva Aydan Valeh qızının təhsil aldığı Bakı şəhəri 5 nömrəli məktəbdən çıxaraq naməlum istiqamətə getməsi barədə Nəsimi Rayon Polis İdarəsinin 19-cu Polis Şöbəsinə müraciət daxil olub.
Müraciət əsasında həyata keçirilmiş əməliyyat-axtarış tədbirləri nəticəsində A.Əliyeva aprelin 27-də tapılıb.
