Heydər Əliyev Mərkəzi dünyanın ən gözəl səkkiz konsert zalından biri müəyyən edilib.
Kult.az xəbər verir ki, dünyaca məşhur “Vogue” jurnalının Paris nəşrinin portalında dünyanın səkkiz ən gözəl konsert zalı haqqında məlumat dərc olunub. Dünyanın memarlıq incilərindən olan Heydər Əliyev Mərkəzi də “Vogue”un siyahısında yer alıb.
Mərkəzin məşhur memar Zaha Hadidin şah əsərlərindən biri olduğu qeyd edilib.
Xatırladaq ki, Heydər Əliyev Mərkəzinin layihəsi 2007-ci ildə məşhur memar Zaha Hadid tərəfindən işlənib. Mərkəz 10 may 2012-ci il ildə istifadəyə verilib.
