“Hava gündə beş dəfə dəyişir!” — Rusiyalı məşhur Bakıda + Fotolar

Onkoloji xəstəliklə mübarizə aparan Rusiyanın Əməkdar artisti Anastasiya Zavorotnükun qızı – model, aktirsa və bloqer Anna Zavorotnük Bakıda səfərdədir.

“Qafqazinfo” xəbər verir ki, bu barədə o, instaqramda paylaşım edib.

Aktrisa Azərbaycanın paytaxtı haqda təəssüratlarını bölüşüb: “Hava gündə beş dəfə dəyişir! Mən heç vaxt bir neçə saatın içində paltomu bu qədər geyinib-soyunmamışdım. Soyuq məhz küləkdən olur, o, yetərincə güclüdür”.

Zavorotnük İçərişəhərə heyran qaldığını bildirib: “İçərişəhər memarlığı ilə bəzi yerlərdə Parisi, bəzi yerlərdə isə İstanbulu xatırladır. Demək olar, hər yerdə dadlıdır, xüsusilə də ət, steyklər, kabablar, dönərlər. İnsanlar çox mehriban və qonaqpərvərdirlər”.  

O, Bakıda dadlı suşi və rollar tapmaqda çətinlik çəkdiyini qeyd edib: “Bununla yanaşı burada mənim sevimli yapon yeməyiminin kultu yoxdur. Burada dadlı suşi və rollar tapmaq çətindir”


Share: