Bakıda xüsusi karantin rejimi tədbirlərinin gücləndirilməsi ilə bağlı Daxili İşlər Nazirliyi (DİN) Daxili Qoşunlarının hərbi qulluqçuları polislə birgə xidmətə başlayıblar.
Oxu.Azxəbər verir ki, artıq hərbçilər polis naryadları ilə birgə paytaxt küçələrində xidmət aparırlar.
Onlar vətəndaşlarla profilaktik söhbətlər edir, əhalini maarifləndirirlər.
Bakı Şəhər Baş Polis İdarəsindən verilən qısa açıqlamada bildirilib ki, məqsəd koronavirus infeksiyasının yayılmaması, onun törədə biləcəyi fəsadların qarşısının alınması, məhdudlaşdırılma tədbirlərinin tam və hərtərəfli yerinə yetirilməsidir.
