Müstəqil.Az-ın verdiyi xəbərə görə Cəlilabadda yeni ədəbi ocaq yaradılıb. Bu məlumatı şair Elşad Barat özünün sosial şəbəkədəki divarında paylaşıb.
“Bildiyiniz kimi, son dövrlər Cəlilabad rayonu Azərbaycan ədəbiyyatına xeyli sayda imza bəxş edib. Bu axın bu gün də davam edir. Bütün bunları nəzərə alaraq Cəlilabadda yaşayıb-yaradan yazarlar yeni bir ədəbi ocaq yaratmaq qərarına gəliblər”.
“Yaradılmış ocağın məqsədi istedadlı Cəlilabad gənclərinin üzə çıxarılması, müxtəlif ədəbi layihələrin həyata keçirilməsi və mütəmadi olaraq ölkədə, dünyada gedən ədəbi proseslərin müzakirəsini aparmaqdır” – deyə E.Barat bildirib.
Müstəqil.Az
