İki gün əvvəl məşhur ingilis müğənni Dua Lipa Bakının qonağı olub.
Milli.Az xəbər verir ki, Son zamanlar “New rules” mahnısı ilə gündəmdə olan məşhur ingilis müğənni Dua Lipa Kristal Hall-da konsert proqramı ilə çıxış edib.
O, şəxsi Instagram hesabında Azərbaycanla bağlı xeyli paylaşım edib. İlk dəfə Asiya ölkəsinə gəldiyinə görə həyəcanlı olduğunu qeyd edən müğənniyə Bakıda 3 ədəd kürü və araxçın hədiyyə ediblər.
Müğənni ötən gecə Azərbaycana təşəkkür edib.
“Təşəkkür edirəm, Azərbaycan. Tezliklə görüşənədək”.
Dua Lipa 1995-ci ildə London şəhərində dünyaya gəlib. O, karyerasına 14 yaşından başlayıb. Bir ay əvvəl Londonda keçirilən “Brit Awards 2018” mükafatlandırma mərasimində “Britaniyanın ən yaxşı solo qadın ifaçısı” nominasiyasına layiq görülüb.
