Bu gün Bakı şəhərinin Nəsimi rayonunda çoxmərtəbəli yaşayış binasında yanğın olub.
Müstəqil.az Fövqəladə Hallar Nazirliyinin saytına istinadən xəbər verir ki, binanın 3-cü mərtəbəsində ümumi sahəsi 200 m² olan 4 otaqlı mənzilin hamam otağının lambirindən ibarət tavanı və içərisindəki əşyalar 3 m² sahədə yanıb. Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Qeyd edək ki, dünən Yasamal rayonu Şəfayət Mehdiyev üçəsində yerləşən çoxmərtəbəli binada da yanğın olub.(publika)
