Rusiya mətbuatında Vladimir Putinin tələbəlik illərində qaldığı otağın fotoları yayılıb.
Teleqraf.com xəbər verir ki, fotolar Rusiyanın “Zvezda” telekanalının “Giriş şifərsi” proqramında nümayiş etdirilib.
Qeyd olunur ki, Rusiya prezidenti Xarici Kəşfiyyat Akademiyasında oxuduğu illərdə məhz burada yaşayıb.
Hazırda otaq bir qədər dəyişilib və daha komfortlu vəziyyətə gətirilsə də, orada olan oturacaq və stollar dəyişməyib.
Otağın Putinin ev muzeyi kimi formalaşdırılması təklif olunub, lakin bu bir çox səbəblərdən reallaşmayıb. Bu otaqda hələ də akademiyanın tələbələri yaşayır.
Xatırladaq ki, Putin öz tələbəlik illərindən danışarkən akademiyada rəhbərlik tərəfindən ona “Üzgüçü” ləqəbinin verildiyini qeyd edib. Qeyd edək ki, akademiayda kursantların bir-birinin ad-soyadını bilməməsi üçün onların hər birinə ləqəblər verilib.
