ARB Ulduz-un “Virtual həyat” proqramının növbəti qonağı müğənni Yaşar Cəlilov olub.
Müğənni görünmək xatirinə efirlərə çıxmaq fikrində olmadığını və bir həftəlik ömrü olan bəxtsiz mahnılardan danışıb.
“Baxıram da, bizim müğənni dostlarımızın çıxardığı mahnılara. Sadəcə. mahnıdı. Bir həftə sevilir, ya sevilmir, sonra da unudulub gedir. Mən bu sözü deyirəm, altından da imzamı atıram. Sinəmə döymürəm. Sadəcə olaraq, faktdan danışıram ki, mənim repertuarımda elə bir mahnı yoxdur ki, onun ömrü bir həftə, bir ay, yaxud bir il olsun”.
Gənc həmkarlarının toy sövdələşəmələrinin yalan olduğunu ifşa edən müğənni çəkinmədən sözünün kəsərini birbaşa ifadə edib:
“Mənim yaşıdım olan müğənnilər var ki, deyirlər toya 5 minə gedirəm, 10 minə gedirəm. Vallah, hamısı yalandır. Hamısının da qiyməti 2500-3000 manatdır. Bunu deyirəm, kim istəyir onlara sübut da edə bilərəm. Elə dostlarım var ki, mən onlara deyirəm, sənin toyunda qonaq kimi iştirak etmək istəyirəm. Deyirlər, gəl bizim toyumuzu sən apar. Deyirəm, yox. Mən orada qonaq kimi iştirak etmək istəyirəm. Gedir başqası ilə danışır. Deyir toyuma onu danışdım. Deyirəm, neçəyə. Deyir, 2500-ə. Mən şoka düşürəm. Hansı ki bir neçə gün öncə həmin adamla söhbət edəndə deyir ki, 5 mindən aşağı getmirəm.
Şou-biznesdə ikiüzlü insanlar çoxdur, ayaq altı qazanlar çoxdur, süni insanlar çoxdur. Ona görə də şou-biznesdə dostum azdır”.
Yaşar Cəlilovla olan geniş müsahibəni bu bazar saat 13-də “Şou məkan” verilişində izləyə bilərsiz.
Qeyd edək ki, “ARB Ulduz” kanalını Azərspace 1 peykində 11024 tezliyində, polyarizasiya: (V), FEC 5:6, symbol rate: 12698 izləyə bilərsiniz.
Videonu izləmək üçün şəklə klikləyin:
