2002-ci ildən etibarən İngiltərədə 50 mindən çox satılan “Volvo XC90” avtomobilində indiyə qədər ölümlə nəticələnən qəza baş verməyib.
Müstəqil.az xəbər verir ki, bu avtomobil müstəqil laboratoriya “Thatcham Research” tərəfindən test edilərək ən etibarlı vasitə elan edilib. 15 il ərzində 50 mindən çox satılan avtomobilin uğurunun səbəblərindən biri sürücünü yoldakı təhlükələrdən xəbərdar edən kamera və radar sisteminin olmasıdır.
Lazerlər, kameralar və radar istifadə edən avtomobil toqquşma ehtimalını müəyyən edib sürücünü xəbərdar edir, sürücü hərəkətə keçmədiyi zaman avtomatik olaraq əyləcə basır.
Qeyd edək ki, sistemin qarşıdakı 10 il ərzində İngiltərədə 1100 həyat xilas edəcəyi gözlənilir.
