Əsəd Soçidə: Putin görüşdə önəmli mesaj verdi – Video

Vladimir Putin Soçidə suriyalı həmkarı Bəşər Əsədlə görüşüb.

Axar.az xəbər verir ki, görüş Əsədin Rusiyaya işgüzar səfəri çərçivəsində gerçəkləşib.

Görüş zamanı Rusiya Prezidenti Putin Əsədi terrorizmlə uğurlu mübarizəyə görə təbrik edib. Onun sözlərinə görə, Suriya xalqı çox ağır sınaqdan keçir və terrorçuların darmadağın edilməsinə yaxınlaşır.

Əsəd isə öz növbəsində iki il ərzində Rusiya Kosmik Qüvvələri sayəsində qazanılan uğurların aydın olduğunu və ölkə əhalisinin çox hissəsinin artıq öz evlərinə geri qayıtdığını bildirib. O, Rusiya sayəsindəı Suriyanın dövlət kimi xilas olduğunu söyləyib.

Görüş zamanı Putin həmçinin Suriya prezidentinə Müdafiə Nazirliyinin və Silahlı Qüvvələrin Baş Qərargahının rəhbərliyini təqdim edib.

Putin qeyd edib ki, Suriyada hərbi əməliyyatlar başa çatmaqdadır.

“Terrorçuluqda mübarizə sahəsində tam qələbə qazanmağa, əlbəttə, hələ çox var. Suriya ərazisindəki terrorçularla mübarizə sahəsində birlikdə keçirilən hərbi əməliyyatlar isə həqiqətən sona çatır”, – Putin deyib.

Rusiya prezidenti Suriya məsələsi ilə bağlı danışarkən həmçinin tezliklə yekun nöqtənin qoyulacağını bildirib.

Share: