Türkiyənin Hatay şəhərində qan donduracaq dəhşətli hadisə baş verib.
Müstəqil.az yerli mediaya istinadən xəbər verir ki, 35 yaşlı Havva Z. 40 yaşlı həyat yoldaşı Mikail Z.-ni bıçaqlayaraq öldürüb, daha sonra onu parçalayıb.
Qadın ərinin meyitini 4 hissəyə parçalayıb, sonra onları palaza bükərək həyətdə basdırıb. Hadisə barədə qonşuları polisə məlumat verib. Belə ki, qonşular əvvəl evdən dava səsləri eşidib. Daha sonra qadının binanın həyətində nə isə basdırmasından şübhələnib polisə məlumat veriblər. Qadın polisə ifadəsində ərini öldürüb, parçalara ayırıb həyətdə basdırdığını etiraf edib.(publika)
