Beynəlxalq Qızıl Xaç Komitəsinə (BQXK) məxsus yük maşınları Ağdam-Xankəndi yolu ilə paralel, “Laçın” sərhəd-buraxılış məntəqəsindən maneəsiz keçid edib.
“Trend” xəbər verir ki, “Laçın” sərhəd-buraxılış məntəqəsindən yoxlama aparıldıqdan sonra yük maşınlarının sərbəst keçidi təmin edilib.
Qeyd edək ki, Qarabağdakı separatçılar, nəhayət, Azərbaycanın şərtlərinə tabe olublar, Laçın yolunun və Ağdam-Xankəndi yolunun eyni vaxtda açılmasına razılaşıblar.
Separatçıların liderləri Beynəlxalq Qırmızı Xaç Komitəsinin Xankəndi ofisinin və Rusiya sülhməramlılarının komandanlığının BQXK-nın maşınları ilə Laçın yolu və Ağdam-Xankəndi yolu ilə eyni vaxtda ərzaq daşınmasına dair birgə təklifini qəbul etmək qərarına gəliblər.
Əslində, sentyabrın 1-dən bu marşrutların eyni vaxtda açılması ilə bağlı razılaşma olub. Separatçılar bunu məqsədəuyğun olaraq iki həftədən çox ləngidiblər.
