Misirdə ümumi prezident seçkilərində səsvermə başlayıb. Ölkənin bütün əyalətlərində seçki məntəqələri açılıb və üç gün – dekabrın 12-dək fəaliyyət göstərəcək.
xəbər verir ki, Milli Seçki Komissiyasının məlumatına görə, Misirdə səsvermə üçün 10 085 seçki məntəqəsi təşkil olunub.
Seçkilərdə səsvermə hüququ olan 67 milyona yaxın vətəndaş iştirak edə biləcək. Səsvermə prosesinə bütün səviyyələrdə 15 min hakim nəzarət edir. Onların əsas vəzifəsi ümumi səsvermənin üçüncü gününün sonunda, yəni dekabrın 12-də axşam başlayacaq səslərin hesablanmasına nəzarət etməkdir.
Misirin hazırkı dövlət başçısı Əbdülfəttah əs-Sisini nəzərə almasaq, üç siyasətçi prezidentliyə namizəddir. Onların heç biri nə gənclər, nə də əhalinin digər təbəqələri arasında real dəstək görmür. Bunlar sol müxalifətçi Fərid Zəhran, vəkil Abdel Sənad Yamama və Cümhuriyyət Xalq Partiyasının rəhbəri Hazem Ömərdir.
Əl-Sisi 2014-cü ildə 96,91% səs topladığı seçkilər nəticəsində Misirə rəhbərlik edib.
