Xəbər verdiyimiz kimi, ötən gün Milli Məclisin deputatı Qənirə Paşayevanın bacısı, “SOCAR-Türkiyə”nin Koorporativ əlaqələr üzrə rəhbəri Kəmalə Paşayevanın toyu baş tutub.
“Qafqazinfo”nun məlumatına görə, İstanbuldakı Sait Halim Paşa villasında keçirilən məclisdə iş adamları, ictimai xadimlərlə yanaşı Azərbaycanın məşhur simaları da yer alıb.
Xalq artisti Aygün Səmədzadə, Əməkdar artist Məlahət Abbasova, tanınmış modelyer Afaq İsmayılzadə və başqaları toyda iştirak ediblər.
Gecəyə Azərbaycanın İstanbuldakı Baş konsulu Nərminə Mustafayeva da qatılıb.
Onlar məclisdə lentə aldıqları görüntüləri sosial şəbəkələrdə paylaşıblar.
Qeyd edək ki, Kəmalə Paşayeva Həsən Atay adlı Türkiyə vətəndaşı ilə ailə qurub. H. Atay TANAP Şirkətində İnzibati İşlər üzrə Menecer vəzifəsində çalışır.
Elvin Elxan
