Çinin nəzarətdən çıxan raketi Yerə düşdü

Çinin “Long March 5B” raketi Sakit Okeanın orta cənub bölgəsindən atmosferə girərək Yerə düşüb.

Bu barədə ABŞ Kosmik Komandanlığının “Twitter”də verdiyi açıqlamada qeyd edilir.

Çin bununla bağlı açıqlama verməyib. ABŞ-nin bəyanatına görə, atmosferə daxil olma vaxtı 13:01 olaraq qeyd edilib.

Son modulu Çinin “Tianqonq” Kosmik Stansiyasına daşımaq üçün oktyabrın 31-də buraxılan 20 tonluq raketin Yerə qayıtması narahatlıq yaradıb.

Nəzarətdən çıxan “Long March 5B” adlı raket daşıyıcısı Yer ətrafında saatda 28 min kilometr sürətlə fırlanaraq dünyaya girişini tamamlayıb.

Share: