ABŞ Prezidenti Co Bayden həyat yoldaşında koronavirus infeksiyasının aşkarlanmasına baxmayaraq, Yeni Dehlidə keçiriləcək G20 sammitində iştirak edəcək.
“Qafqazinfo” xəbər verir ki, bunu Ağ Evin mətbuat katibi Karin Jan-Pier brifinq zamanı deyib.
O, bir jurnalistin sualına cavab olaraq, infeksiyanın dövlət başçısında tapılmadığını qeyd edərək, “O, sabah uçacaq”, – deyib.
Qeyd edək ki, ABŞ-nin birinci xanımı Cil Baydenin COVID-19-a yoluxduğu,onun yüngül simptomlarının olduğu bildirilib.
