Bakıda doğulmuş bir erməniyə Azərbaycanın işğal altındakı Xankəndi şəhərində təzə vəzifə verilib.
Moderator.az xəbər verir ki, bu haqda erməni nəşrləri məlumat yayıb. Moskvanın Dağlıq Qarabağdakı canişini Bako Saakyan “Təbiəti mühafizə və təbii ehtiyatlar naziri” postuna Feliks Qabrielyanı təyin edib.
Araşdırmamızdan məlum oldu ki, Felik Qabrielyan Mixayloviç 1965-ci ildə Bakıda anadan olub. Sonradan ailəsi ilə birlikdə Xankəndinə köçüb. 1988-ci- ildən başlanan separatçı erməni hərəkatında və Azərbaycanın dinc əhalisinə qarşı amansız hərbi əməliyyatlarda fəal iştirak edən F. Qabrielyan 1992-ci ildə “Qarabağ özünümüdafiə qüvvələrinin xüsusi təyinatlı dəstəsi”nin komandiri təyin edilib. Daha sonra o, işğalçı və qanunsuz hərbi birləşmələrdə bir sıra vəzifələr tutub. 1999-2011-ci illərdə isə F. Qabrielyan Qarabağın “hərbi komissarı” işləyib. 2011-2013-cü illərdə B.Saakyanın “müşaviri” vəzifəsində olub.
Müstəqil.Az
