![](https://www.mustaqil.az/wp-content/uploads/https://apa.az/storage/news/2023/december/11/resize/6576b8d4843906576b8d48439117022793806576b8d48438e6576b8d48438f.jpeg)
Bu ilin 11 ayında Dövlət Vergi Xidmətinin xətti ilə dövlət büdcəsinə vergi daxilolmalarının həcmi ötən ilin eyni dövrü ilə müqayisədə 4,1% artaraq 15 mlrd. 337,7 mln. manat olub.
“-Economics” xəbər verir ki, bunu iqtisadiyyat naziri Mikayıl Cabbarov “X” sosial şəbəkəsindəki hesabında bildirib.
“Bu müddətdə qeyri-neft-qaz sektorundan vergi daxilolmaları 18,9 % artaraq 9 mlrd. 15,8 mln. manata çatıb”, – deyə o qeyd edib.
“Ölkəmizdə aparılan səmərəli vergi siyasəti qeyri-neft-qaz sektorundan vergi daxilolmalarının yüksək dinamikasını təmin etməklə dayanıqlı iqtisadi artıma əhəmiyyətli töhfə verir”, – deyə paylaşımda nazir qeyd edib.