Almaniyanın Köln şəhərində bundan sonra səsgücləndiricilər vasitəsi ilə azan veriləcək.
Müstəqil.az “Sözcü”yə istinadla xəbər verir ki, bu baərədə qərarı Köln şəhər bələdiyyəsinin sədri Henritte Reker açıqlayıb.
Qərara əsasən, məscidlərdə səsgücləndirici vasitəsi ilə azan verilməsi ancaq cümə namazlarına şamil edilib. Reker deyib ki, azan müddəti 10 dəqiqəni keçməməlidir.
Azanın səs səviyyəsi də şəhərin müxtəlif yerlərinə görə dəyişəcək. Qərar pilot layihəyə əsasən gerçəkləşdirilir və iki il müddətini əhatə edəcək.
