Biləsuvarda ağır qəza: Xəsarət alanlar var

Biləsuvar rayonunda ağır yol-nəqliyyat hadisəsi baş verib.

Oxu.Az xəbər verir ki, qəzanın görüntüləri sosial şəbəkədə paylaşılıb.

Hadisə rayonun Bəhramtəpə avtomobil yolunun Biləsuvar şəhərindən keçən hissəsində qeydə alınıb.

Belə ki, qəza zamanı traktorla “Mercedes” markalı minik avtomobili toqquşub. İlkin məlumata görə, hadisə nəticəsində üç nəfər xəsarət alıb. Yaralılar rayon xəstəxanasına aparılıb.

Faktla bağlı araşdırma aparılır.

Share: