İranın İnformasiya (Kəşfiyyat) Nazirliyi İŞİD terror qruplaşmasının 10 silahlısını həbs edib.
“Qafqazinfo” xəbər verir ki, “Tasnim” xəbər yayıb.
“Kəşfiyyat Nazirliyi İmam Hüseynin vəfatı ilə əlaqədar dəfn mərasiminin iştirakçıları arasında bir neçə terror aktı törətməyi planlaşdıran 10 İŞİD terrorçusunun həbs edildiyini açıqlayıb”, – deyə məlumatda deyilir.
İran xüsusi xidmət orqanlarının əməkdaşları ölkənin cənubunda və qərbində iki əyalətdə terrorçuların müşahidəsini təşkil ediblər. Həbs zamanı onlardan partlayıcı qurğular, rabitə vasitələri və silah-sursat götürülüb.
Xüsusi əməliyyat zamanı silahlılar atəş açıb. İran kəşfiyyatının iki əməkdaşı yaralanıb.
