Bu gün İranla Əfqanıstan sərhədində iki ölkə sərhədçiləri arasında silahlı insident baş verib.
Bu barədə “Qafqazinfo” IRNA-ya istinadən xəbər verir.
Məlumata görə, İranın cənub-şərqində Sistan və Bəluçestan vilayətinin Hirmənd rayonu sərhədində Əfqanıstan qüvvələri İran sərhədini keçmək istəyiblər. Silahlı insidentdə İran tərəfindən hər hansı itki olmayıb.
Əfqanıstanda bəzi KİV-i ağır artilleriyanın müşayiəti ilə baş verən silahlı insidentdə Əfqanıstan tərəfindən bir nəfərin öldüyünü və bir nəfərin yaralandığını bildirib.
