Rusiyada dördgünlük iş həftəsinə KEÇİLƏCƏK

Rusiya Dövlət Dumasının deputatı Yaroslav Nilov rusiyalılara dördgünlük iş həftəsinə keçidin yaxın gələcəkdə baş verəcəyini bildirib.

Müstəqil.Az xəbər verir ki, o, artıq bəzi müəssisələrin distant və ya natamam məşğulluq çərçivəsində bu formatda işlədiyini qeyd edib.

Bundan əlavə, koronavirus pandemiyası zamanı bu, kadrların saxlanılması və şirkətlərin işinin davam etdirilməsi üçün ən optimal həll yollarından biri olub.

Rusiyalı deputatın sözlərinə görə, pandemiya iş və istirahət arasında normal tarazlığı saxlamaq qabiliyyətini nümayiş etdirib və süni intellekt texnologiyalarının tətbiqi ağır fiziki tapşırıqları tədricən maşınlara yönləndirəcək, insanı işçidən onların operatoruna çevirəcək.

Müstəqil.Az

Share: