Müstəqil.Az xəbər verir ki, 17 oktyabr, 2021-ci ildə, gənc şair Aysel Xanlarqızı Səfərlinin doğulub boya-başa çatdığı Lənkəran şəhərində “Darıxan şeirlər” və “Karantin boşluğu” adlı yeni şeirlər kitabının imza günü keçirildi.
“Lənkəran Zona Yazıçılar Birliyinin” sədri Qafar Cəfərlinin təşəbbüsü ilə keçirilən tədbirdə şəhərin bir sıra ziyalıları, müəllifin müəllimləri, qələm dostları və Bakıdan gələn həmkarları da iştirak edirdilər.
Qafar Cəfərli tədbiri açıq elan edib ilk sözü xalq şairi Sabir Rüstəmxanlıya verdi və Sabir bəy şeirlərini yaxından izlədiyi ,” Karantin boşluğu” kitabına ön söz yazdığı müəllifin yaradıcılığı haqqında geniş söhbət açdı, ona bu yolda öz xeyir-duasını verdi.
Sonra şair-qəzəl ustası Xatirə Xatun Ayselin yaradıcılığı haqqında məruzə etdi.
Daha sonra isə şair Ziyafət bir zamanlar başçılıq etdiyi, məktəb yaşlı uşaqlardan ibarət yaratdığı ilk ədəbi məclis olan “Ziya” ədəbi məclisində Ayselin başlayan ilk, kövrək addımları haqqında söz açdı…
Lənkəran şəhər Mədəniyyət Mərkəzinin rəhbəri ,yazıçı Hafiz Mirzə, Şair Əhməd Haqsevər, gənc şair Ziya Dilsuz, Elmlər doktoru Kamran Kazımov, tarixçi Ramiz Əlizadə, şair Bəxtiyar Əliyar, Lənkəranın tanınmış , mərhum şairi Həbib Səfərovun oğlu Məmməd Səfərov, Beynəlxalq dərəcəli şahmatçı İdrak Dadaşov, tanınmış ziyalı Fəxrəddin Canıyev, VHP-nin sədr müavini Arif İsmayılbəyli, elmlər namizədi,tarixçi Leyla Məcidova, şair Qorxmaz Kadusi , həkim Şəfahət Həsənov, Münasib Nuri ,şair Mübariz Süleymanlı, şair Ağamir Cavad, Tural Arifoğlu, Bakıdan gələn qonaqlardan şair-tərcüməçi Rəbiqə Nazimqızı, qiraətçi ,yazar Ülviyyə Niyazqızı və Müşfiqə Baladdinqızı ,həkim-şair Oqtay Şəfioğlu, jurnalist, foto müxbir Arzu Murad öz maraqlı söhbətləri ilə tədbirə xüsusi rəng qatdılar.
Müəllifin mərhum atasının dostu Kərbəlayi Allahverdi duyğu dolu çıxışı ilə dinləyiciləri kövrəltdi.
Tədbirin sonunda şair Aysel Xanlarqızı 18 il bundan öncə çıxdığı doğma Lənkəranın onu necə böyük bir sevgiylə qucaqladığı üçün keçirdiyi sonsuz xoşbəxtlik hissini ən gözəl sözlərlə belə ifadə edə bilməyəcəyini dilə gətirdi. Tədbirin təşkilatçılarına – başda hörmətli Qafar Cəfərli və Xatirə Xatun olmaqla əməyi keçən, bu özəl gündə onun yanında olan hər kəsə sonsuz təşəkkürlərini bildirdi…
Sonda xatirə fotoları çəkildi…
Müstəqil.Az
Aysel Səfərli
Fotolar Arzu Murada məxsusdur:
